LUNGSE
Peuting tingtrim ku poekna
Beurang merenah ku caangna
Leumpang muru katangtuan
Asih nu jadi harepan
Siram cai semu nyeuri
Bingung lemah pangbalikan
Rongkah jiga nu amarah
Dimana kaasih gusti
Leungeun menggaskeun lamunan
Hooo
Panin poe semu lungse
Bulan rumahuh ka gunung
Bentang leungit terpudagan
Waktu teu nyurup itungan
Usum teu mernah ka mangsa
Sagara mapakeun lemah
Ngajeurit pangeusi nagri
Bingung mulangkeun dirina
Muru waktu teu tinemu
Teuing kamana balikna
ZIKRUL
MAUT
Naha anjeun gues poho
Yen maot ngadodoho
Hirup katungkul pati
Di langit pandeuri nutup catur diri
Hirup dek dipungkasan
Seja hisab amalan
Dipapag balitungan
Narima ganjaran atawa siksaan
Nalika laju pasaran
Nu nganteur keun ka kuburan
Harta banda teu nulungan
Hamo dipake tanggelan
Napas anu panganggeusan
Geus kaluar tina badan
Batin ceurik balihiran
Taya geusan pamuntangan
 |
| Mimbar Untan |
GERIMIS
Gerimis meuntaskeun bentang,
Peuting neundeun panineungan,
Bulan muru katangtuan balebat
nganteurkeun caang,
Neang wanci pang harepan,
Moal peunggas ku lamunan.
Simpe taraje nahate langit neuteup
ngadeukeutan,
Srangenge mendakan poe beurang muru
lembur peuting,
Lemah mapag rasa heman, sagara ilang
kemelang.
Lembur lengkob pematuhan, seah dangding
meuntas langit,
Ngampar jajar kahuripan, cai nyurupkeun
kaasih,
Segara paheut ka lemah, sumujud
pangeusi nagri.
Kawung cunduk nganteur waktu, marahmay
pangeusi nagri,
Durugdug munding malati, muka welas
matri asih,
Raga nyurup kawaluya bagea dulur baraya,
bumi manjing kalangitan seah hujan
kabagjaan.
Ajeg gunung satangtungan susukan
panjang harepan,
Melak tangkai ajeg lemah tung-tung
waktu teu tinemu.
0 Comments